Azərbaycan xalqı ilk dəfə olaraq, 27 sentyabr tarixini möhtərəm Prezidentimiz cənab İlham Əliyevin sərəncamı ilə təsis edilmiş Şəhidlərin Anım Günü kimi qeyd edir. Bu məqsədlə AMEA Dendrologiya İnstitutunda Anım gününə aid silsilə tədbirlərin həyata keçirilməsini nəzərdə tutmuşdur. Vətən üçün yaşanılan ömürlər unudulmur... АMEА-nın Dendrologiya İnstitutu İcimaiyyətlə əlaqələr şöbəsi 25.09.2021 – ci il tarixində Zəfər tv Elm və Həyat verlişinin növbəti yayımını Anım gününə həsr edib. AMEA – nın müxbür üzvü Dendrologiya İnstitutunun direktoru Tofiq Məmmədov, AMEA Azad Həmkarlar İttifaqı Komitəsinin sədri professor Habil Qurbanov, Xəzər rayon Gənclər və İdman İdarəsinin rəisi Vüqar Əliyev, Şəhid Polkovnik leytinant Ramiz Qasımovun ailə üzvüləri, Şəhid Əsgər Novruzov Rəşadın anası, Şəhid əsgər Məmmədzadə Bəhram, İnam qardaşlarının atası, Qazi Zamanov Əfqan verlişin qonaqları olublar. Verlişin rəsmi qonaqları Haqq və Şərəf işimiz olan, Azərbaycan Respublikasının suverenliyi və ərazi bütövlüyü uğrunda gedən mübarizədə qəhrəmanlıq göstərən əsgər və zabitlərimiz, arxa cəbhədə çalışan mülki insanlarımız, bütövlükdə xalqımızın əzm və iradə, bir yumruq kimi birləşdiyi həmrəylik günündən bəhs ediblər. İllərin həsrətinə qovuşan ağdam sakini professor Habil Qurbanov işğaldan azad edildikdən sonra Ağdama səfəri zamanı yaşadığı duyğusal anlarından Azad Həmkarlar İttifaqı Komitəsinin Vətən müharibəsi zamanı xalqla cəbhə ilə birliyindən söhbət açdı. AMEA – nın müxbür üzvü Dendrologiya İnstitutunun direktoru Tofiq Məmmədov müharibədən dərhal sonra bir qrup alim və tədqiqatçılarla işğaldan azad olunan torpaqlara Zəngilana səfərindən, erməni vandalizmin təbiətə qarşı törətdikləri vəhşiliyin nəticələrini müşahitə etmək üçün aparılan monitorinqdən və gələcəkdə həmin ərazilərdə yaşıllaşdırma bərpa işlərinin aparılacağında danışdı. Xəzər rayon Gənclər və İdman İdarəsinin rəisi Vüqar Əliyev rayon üzrə Şəhid ailələri və Qazilərlə görüşündən dövlətimizin təməli olan gənclərdə vətənpərvər hislərinin inkişaf etdirilməsi üçün təşkilatın gələcək layihələrindən söhbət açdı. Verlişin ikinsi hissəsində Şəhid Polkovnik leytinant Ramiz Qasımovun ailə üzvüləri, Şəhid Əsgər Novruzov Rəşadın anası, Şəhid əsgər Məmmədzadə Bəhram, İnam qardaşlarının atası, Qazi Zamanov Əfqan Şəhidlərimiz haqqında ürək dağlayan xatirləri bölüşüblər. Əkiz qardaş kimi tanıdığımız lakin əkiz olamayn əkiz kimidə bir gündə Şəhid olan İnam və Bəhramın atası tariximizin əbədi Qəhrəmanlıq salnaməsi olan bu Zəfər yüzlərlə şəhidimizin qanı ilə yazıldığını müstəqilliyimiz, Vətənimizin ərazi bütövlüyü, namus və ləyaqətimiz uğrunda mübarizəyə qatılmış bu cəsur fədailərin Azərbaycan xalqının başını uca etdiyini vurğuladı. Vətənin müdafiəsinin qalibiyyət simfoniyasının yazılmasında savaşa könüllü olaraq qoşulmuş Əfqan Zamanov Şuşa döyüşlərindən qəhrəman igidlərimizin qorxmazlıqlarından, dostların canlarını Vətən yolunda necə qurban verdikləri anlarından bəhs etdi. Heç vaxt unutmayacağımız və unutdurmayacağımız bu qəhrəmanlar hər bir Azərbaycan anasının əziz övladı, xalqımızın qüruru və iftixarı oldu. Rəşadət rəmzi olan bu qəhrəmanlar bugünkü və sabahkı gəncliyin əbədi amalı və and yeri, onların uyududuqları məkan müqəddəs ziyarət yerinə çevrildi. Verlişin sonunda Vətən uğrunda torpaqlarımızın azad olunmasında göstərdiyi qəhrəmanlığa görə Şəhidlərə Fəxri Fərman ailələrinə Şəhidlərin fotoşəkiləri və maddi yardım təqdim olunmuşdur. Allah bütün Şəhidlərimizə rəhmət eləsin!
Şəhidlər unudulmur...
Şəhidləri unutmuruq...