Həsənov Sənan Səməndər oğlu 02 iyul 1977-cü ildə Gədəbəy rayonunun Leşgər kəndində anadan olmuşdur.

1994-cu ildə Gədəbəy rayonu Kicik-Qaramurad kənd orta məktəbini əla qiymətlərlə bitirmişdir.

1994-1998-cü illərdə Lənkəran Dövlət Universitetinin tarix fakültəsində (bakalavr) təhsil almışdır.

2000-cı ildə Bakı Dövlət Universitetinin tarix fakültəsinin magistraturasını fərqlənmə diplomu ilə bitirmişdir.

1999-cu ildə Bakı şəhər O.Mirzəyev adına 190 saylı orta məktəbdə müəllim, 2000-ci ilin mart ayından isə AMEA-nın Beynəlxalq Münasibətlər İnstitutunda kiçik elmi işçi vəzifəsinə qəbul edilmişdir.

2000-2001-ci illərdə Azərbaycan Silahlı Qüvvələri sıralarında həqiqi hərbi xidmət keçmış, 2001-2002-ci illərdə Beynəlxalq Münasibətlər İnstitutunda əvvəlki vəzifəsində çalışmışdır.

2002-ci ildən AMEA-nın Fəlsəfə və Siyasi-Hüquqi Tədqiqatlar İnstitutunun «Politologiya» şöbəsinin elmi işçisi və həmıni şöbənin dissertantı olmuşdur. 2009-cu ildə Fəlsəfə Sosiologiya və Hüquq İnstitutu) "Politologiya və Siyasi Sosiologiya" şöbəsinin elmi işçisi, 2014-cü ildən isə həmin şöbənin böyük elmi işçisi,  2017-ci ildən isə Fəlsəfə və Sosiologiya İnstitutunun “Heydər Əliyevin siyasi irsi və azərbaycançılıq fəlsəfəsi” şöbəsində aparıcı elmi işçi vəzifəsində çalışır.

1999-cu ildən respublika mətbuatında Azərbaycanın xarici siyasəti və beynəlxalq əlaqələri o, cümlədən Xəzərin statusu məsələsinə dair 100-ə qədər elmi və publisistik məqalələrlə çıxış etmiş, ölkəmizdə keçirilən bir sıra elmi konfransların və mühüm dövlət tədbirlərinin iştirakçısı olmuşdur.

2002-ci ildə «Dövlətlərarası münasibətlərdə Xəzərin statusu məsələsi» adlı monoqrafıyası çapdan çıxmışdır. 2005-ci ildə İnstitututda “Heydər Əliyev məktəbi”nin yaradılması təşəbbüsü ilə cıxış etmiş və məktəbin məsul katibi seçilmiş, bu illər ərzində həmin məktəbdə fəal ideoloji iş aparmışdır. Bu fəaliyyətin tərkib hissəsi kimi “Əsrin müqaviləsi-10” Azərbaycan böyük inkişaf yollarında” Bakı-“Min-Bir-Mahnı” (2004). “Azərbaycanda milli siyasət və stratejı inkişaf XXI əsrin astanasında” Bakı, “Yazıcı” (2005), "Ümümmilli lider Heydər Əliyev və milli dövlətciliyimizin inkişafı məsələləri". Bakı, "Elm''2006, Ümummilli lider Heydər Əliyevin anadan olmasının 85-ci ildönümünə həsr edilmiş ümumrespublika elmi konfransının materialları. Bakı. "Səda" (2008). "Ümummilli lidcr Heydər Əlirza oğlu Əliyevin irsi və milli ideologiyanın formalaşması məsələləri". Bakı- "Elm və Təhsil" 2010. "Ulu Öndər Heydər Əliyevinin irsi və politologiyanın aktual problemləri" Bakı-ADPU nəşriyyatı, 2012. kimi ideoloji əhəmiyyətli buraxılışa məsulu kimi fəaliyyət göstərmişdir.

2005-2017-ci illərdə “Heydər Əliyev məktəbi”nin məsul kimi fəaliyyət göstərmişdir. 2017-ci ildən Fəlsəfə və Sosiologiya İnstitutunun Heydər Əliyev siyasi irsi və azərbaycan fəlsəfəsi şöbəsinin aparıcı elmi işçisi vəzifəsində çalışır.

Azərbaycan Qızıl Aypara və Qızıl Xaç Cəmiyyətinin İnstitut üzrə məsul nümayəndəsi (2005), Azərbaycan Tarix Qurumunun üzvü, Renessans elmi jurnalının redakloru (2007-2010). "Sosial-Siyasi, problemlər" elmi-kütləvi jurnalın redaksiya şurasının üzvü (2002-2009), Tələbə Qəbulu Üzrə Dövlət Komissiyasının 2007-2011-ci illərdə imtahan binalarının təhlükəsizliyi üzrə əməkdaşı (müqavilə ilə) və 2005-cı ildən isə imtahan rəhbəri, bir sıra elmi məqalələr toplusunun redaksiya şuralarının üzvü, 2017-ci ildən YAP Fəlsəfə və Sosiologiya İnstitutu təşkilatın sədri seçilmişdir. Dövlətimizin ideoloji və siyasi strategiyasının tədqiqindəki, elmi ictimai fəaliyyətinə görə fəxri fərman və təşəkkürnamələrə layıq görülmüşdür.

2023-cü ildə Elm və Təhsil nəşriyyatında “Heydər Əliyev - İlham Əliyev; Qələbənin fəlsəfəsi və böyük Qayıdış kitabım” (prof.İ.Məmmədzadə ilə həmmüəllif) çapdan çıxmışdır.

17.01.2024-cü ildən AMEA Azad Həmkarlar İttifaqına sədr seçilib.

Ailəlidir, 3 övladı var.