Xəbərlər
06.02.2018 - 16:00
AMEA Azad Həmkarlar İttifaqının sədri Rusiyada keçirilən forumda iştirak edib

Moskva şəhərində Rusiya Professorlar Cəmiyyətinin I Forumu keçirilib. Forumda “Müasir elmin və ali təhsilin problemləri: yeni çağırışlar” mövzusunda müzakirələr aparılıb.

Tədbirdə ölkəmizi AMEA-nın Azad Həmkarlar İttifaqının sədri, hüquq üzrə elmlər doktoru, professor Habil Qurbanov təmsil edib.

Qeyd edək ki, 2016-cı ilin noyabr ayında təsis edilən Rusiya Professorlar Cəmiyyəti 2017-ci ilin aprel ayında dövlət qeydiyyatından keçib. Cəmiyyət Rusiya Federasiyasının 73 subyektini və 138 universitetini təmsil edən 2000-dən artıq professoru birləşdirir. Həmçinin 30-dan artıq xarici dövlətlərin professorları bu qurumun üzvüdürlər.