İqtisadi inkişafı, əhalinin rifah halının yüksəlməsi, sosial iqtisadi əmək münasibətlərinin və hüquqlarının təkmilləşdirilməsi Azərbaycan Respublikası Hökumətinin davamlı surətdə həyata keçirdiyi tədbirlər sırasındadır. İşçilərin əmək şəraitinin yaxşılaşdırılması, onların sağlamlıq imkanlarının yüksəldilməsinə yönələn addımlar dövlətimizin prioritet istiqamətlərindən hesab edilir. Son dövrlər Azərbaycan Respublikasının prezidenti , cənab İlham Əliyevin birbaşa göstərişi ilə ölkə əhalisinin pulsuz tibbi müayinədən keçirilməsi demoqrafik və sosial baxımdan olduqca vacib bir tədbirdir. Bununla əlaqədar olaraq Azərbaycan Milli Elmlər Akademiyası Azad Həmkarlar İttifaqı əməkdaşların iş yerlərində ilkin tibbi yardıma əlcatanlığını təmin etmək məqsədilə hər bir müəssisəni zəruri dərman və avadanlıqlarla təmin etmişdir. Burada məqsəd əqli və fiziki işlə məşğul olan işcilərə hər hansı bir bədbəxt hadisə, səhhətin qəfil pisləşməsi nəticəsində ilkin tibbi yardımın ğöstərilməsidir. AMEA Azad Həmkarlar İttifaqı işçilərin sosial humanitar müdafiəsi ilə bağlı bu tip tədbirləri davamlı olaraq həyata keçirəcəkdir.