Məlumat verildiyi kimi, Çin Xalq Respublikasının Uxan şəhərində yeni növ təhlükəli virus (coronavirus 2019-n CoV) aşkarlanmış və insandan-insana keçmə (yoluxma) xüsusiyyəti olduğuna görə bu virusa yoluxan insanların sayında kəskin artım müşahidə olunmuşdur.

Dünya Səhiyyə Təşkilatı kəskin respirator xəstəliklərin yayılması riskinin azaldılması məqsədi ilə aşağıdakıları tövsiyə edir:

1. 1. 1. 1. Kəskin respirator xəstəliklərindən əziyyət çəkən insanlarla yaxın təmasdan çəkinmək;
         2. Xəstə insanlarla və ya onların mühiti ilə birbaşa təmaslardan sonra əlləri sabunla yumaq;
         3. İstər canlı, istərsə də ölü, vəhşi və ya kənd təsərrüfatı heyvanları ilə yaxın təmasdan çəkinmək;
         4. Kəskin respirator xəstəlikləri simptomu olan şəxslər öskürək etiketinə əməl etməlidirlər (məsafə saxlanılmalı, öskürək zamanı ağzı yaylıqla bağlamalı və əlləri tez-tez yumaq);
         5. Yaranmış vəziyyətlə bağlı heç bir təşvişə düşməmək;
         6. Sözügedən xəstəliklə bağlı hansısa simptomlar müşahidə edildiyi təqdirdə birbaşa müvafiq tibb müəssisəsinə müraciət etmək lazımdır.

Göründüyü kimi, xəstəliyin yayılması riskinin azaldılması məqsədi ilə görülməli olan adi tədbirlərin alınması o qədər də çətin və vaxtaparan deyildir.

Bütün idarə, müəssisə və təşkilatların Həmkarlar Təşkilatlarına tövsiyə olunur ki, əmək kollektivləri ilə birgə yuxarıda göstərilən qabaqlayıcı tədbirlərin görülməsi üçün işçilər arasında təbliğat-təşviqat işlərini gücləndirsinlər.