AMEA Gəncə Bölməsinin sədri akademik Fuad Əliyev hesabat yığıncağını güriş sözü ilə açaraq, bu tədbirdə iştirak edən AMEA Azad Həmkarlar İttifaqının sədri, hüquq üzrə elmlər doktoru, professor Habil Qurbanovu salamlayıb, toplantının işinə uğurlar arzulayıb. İlk olarq sözü professor Habil Qurbanova verib. Toplantıda iştirak edən, AMEA Azad Həmkarlar İttifaqının sədri Habil Qurbanov Azərbaycan Respublikasında “Dünyamızın transformasiyası: 2030-cu ilədək Dayanıqlı inkişaf sahəsində gündəliyi, COVID-19 pandemiyasına qarşı dayanıqlı və dözümlü bərpa” mövzusunda dayanıqlı inkişaf məqsədlərinə nail olunması ilə bağlı ölkəmizdə ötən dövrdə həyata keçirilən tədbirlər barədə məlumat verib, əsas məqsəd Dayanıqlı İnkişaf Məqsədlərinin icrasının sürətləndirilməsi üzrə təşəbbüslərin müəyyənləşdirilməsi və COVID-19 pandemiyası ilə mübarizədə qlobal həmrəylik ruhunda olan ideya və layihələri dəstəkləməyi vurğulayıb. Habil Qurbanov həmçinin həmkarlar qurumlarının işinin yalnız maddi yardımlar üzərində deyil, insan həyatı və məişətinə aid bir sıra digər tədbirlərə də diqqət yetirilməsi yönündə qurulmasının məqsədəuyğunluğu haqda fikirlər də söyləyib. O, zehni fəliyyətlə məşğul olan insanlar üçün yay gəzintilərinin, görməli yerlərə turların təşkili kimi məsələlərlə bərabər, Gəncə Bölməsində çalışan gənc alimlər üçün ən yaxşı tədqiqatlar müsabiqələrinin təşkilinin də faydalı olacağını qeyd edib və bu dövrdə maarifləndirmə işləri, bilik yarışları, idman yarışlarının keçirilməsindən də danışdı. Gəncə Bölməsinin Gənc Alim və Mütəxəssislər Şurasının sədri Elnur Həsənov bildirib ki, bu dövr ərzində Bölmənin institut, şöbə, laboratoriya və digər qurumlarında çalışan işçilərin əmək və soial hüquqlarının təminatı baxımından ardıcıl tədbirlər həyata keçirilmişdir. Əvvəlki dövrlərdə olduğu kimi, göstərilən zaman kəsiyi ərzində də hər il bölmənin onlarla əməkdaşına müxtəlif məbləğlərdə maddi yardımlar, istirahət məkanlarına yol vərəqələri, mükafatlar, ərzaq paketləri və digər bu kimi vasitələr ilə maddi-mənəvi dəstək göstərilmişdir. O, həmçinin qeyd edib ki, Ali Baş Komandanın rəhbərliyi altında Böyük Zəfərimizlə bitən 44 günlük Vətən müharibəsi ilə bağlı AMEA Gəncə Bölməsi kollektivi adından “Azərbaycan Respublikasının Silahlı Qüvvələri”, eləcə də “Yaşat” və “Qarabağ” fondlarına ümumi hesabla 7245 manat məbləğində pul köçürülüb. AMEA Gəncə Bölməsi İşlər İdarəsinin müdiri Rasim Tağıyev öz çıxışını bu elm ocağında aztəminatlı ailələri təmsil edən əmkdaşların sosial müdafiəsinin təminatı, eləcə də son bir neçə ilin planetar bəlasına çevrilmiş COVİD-19 virusunun fəsadları ilə mübarizə məsələləri üzərində qurub. O, qeyd edib ki, AMEA Gəncə Bölməsində çalışan əməkdaşların istər profilaktik, istərsə də müalicə tədbirlərinin operativ həlli istiqamətində real addımlar atılıb və iş yerlərinin mütəmadi dezinfeksiya tədbirlərinin həyata keçirilməsi, kollektivin vaksinasiya prosesinin vaxtında başa çatdırılması, işçilərə, xüsusən də xəstəliyə yoluxmuş əməkdaşlara zəruri dərman preparatlarının paylanması bu qəbildən olan tədbirlərdir. Toplantının sonunda AMEA Gəncə Bölməsinin sədri, akademik Fuad Əliyev fəal iştirakına, işgüzar və faydalı məsləhət və ideyalara görə professor Habil Qurbanova təşəkkürünü bildirib, burada səslənən təklifllərin həyata keçirilməsi istiqamətində birgə çalışacaqlarını qeyd edib.