AR ETN Botanika İnstitutunun Həmkarlar Təşkilatı tərəfindən “Bitki aləminin öyrənilməsində müasir yanaşmalar” adlı beynəlxalq konfrans iştirakçılarına ekskursiya təşkil olunub.

 “Səhər yeməyi” ilə başlayan ekskursiya Bakının Xəzər rayonunun ərazisindəki qədim Qala kəndində yaradılmış Qala Arxeoloji-Etnoqrafik Muzey Kompleksini ziyarətlə davam edib. İştirakçılar Qala Muzey Kompleksinin ərazisində fəaliyyət göstərən Qala İnformasiya Mərkəzi, Etno-Ekoloji Mərkəz, Əntiq Əşyalar Muzeyi ilə tanış olublar. Ekskursiya dəniz kənarında ziyafət yeməyi ilə yekunlaşıb.